Burnout- an
Stress-Präventioun

Weider Detailer

An der Aarbechtswelt kënnt Burnout an all Beräicher fir. Oft ass Burnout op d’Funktioun vum Manager bezunn ginn. Et ass awer mëttlerweil gewosst, datt all Beruffssparten an Positiounen betraff kënne sinn. An ënner Beruff zielen och onbezuelten Aufgaben wéi Hausfra/-mann, Kannerbetreiung, Fleeg vun den Elteren, ...

Esou individuell wéi d’Leit an hiert Ëmfeld sinn, esou individuell ass och Burnout-Coaching. Et gëtt net déi eng Léisung déi fir jiddereen funktionéiert.

Aus dem Grond ass eng professionell an individuell Ënnerstëtzung sënnvoll, fir datt all Mënsch fir sech seng eegen Léisungen passend zu senger Situatioun kann fannen.

Burnout-Coaching

Burnout-Coaching besteet zum engem aus Präventioun an Opklärung an zum aneren aus direkter Hëllefsstellung an Ënnerstëtzung am Fall vun engem Burnout. Do kann et och sinn, datt parallel zum Coaching aner Interventiounen op medezineschem oder psychologeschem Niveau néideg sinn.

Stress-Präventioun

E groussen Faktor beim Burnout, ass dee permanenten, omnipresenten Stress. Wat wéini als Stress empfonnt gëtt, hänkt vun Mënsch zu Mënsch of. Am Coaching gëtt gekuckt, wou Dir Stress erlieft fir kënnen genau do och Léisungen ze fannen.

Burnout hutt vill verschidden Gesiichter

D’Symptomer vum Burnout sinn individuell ganz verschidden. Symptomer déi heefeg an iwwer länger Zäit virkommen kënne, sinn zum Beispill:

Konstant Middegkeet, Erschëpfung, Konzentratiouns- an Gediechtnesprobleemer, Niddergeschloënheet, Nervositéit, Angscht, Traueregkeet, onkontrolléiert Gefillsausbréch, Kappwéi, Réckewéi, Verdauungsproblemer, Migränen, Schlofstéierungen, Schwindel, Gewiichtsverloscht oder Gewiichtszounam, …

Net all Burnout-Client hutt déi selwecht Symptomer an och net all Client hutt déi selwecht Kombinatioun an Unzuel vun Symptomer. Mä bei engem Burnout-Client kommen an der Reegel méi Symptomer gläichzäiteg fir.

Burnout kënnt schläichend

Vill Symptomer ginn ze laang ignoréiert an als “normal” ugesinn. Mat der Zäit summéieren déi Symptomer sech awer a ginn méi heefeg an méi hefteg. Dat mëscht krank.

Nieft den Krankheetsbiller déi duerch Burnout kënnen entstoen, ass et virun allem wichteg och präzis no den Ursaachen vum Burnout ze sichen. All Mënsch ass ganz eegen, an dofir ass och all Burnout eegen. Am Coaching ginn dowéinst ganz individuell Usätz an Strategien entwéckelt fir de Burnout an de Grëff ze kréien. Duerch e Coaching léiert e Klient sech selwer besser kennen a kann deementspriechend och besser op säin Ëmfeld reagéieren. Ginn d’Ursaachen ignoréiert an gëtt um Liewensstil näischt geännert, wäerten d’Symptomer och logescherweis ëmmer rëm nees optauchen.

Sech ze informéieren schued näischt

Déi opgezielten Symptomer mussen net onbedéngt heeschen, datt Dir an engem Burnout sidd. Wann Dir awer am Gefill hutt, datt Dir kéint betraff sinn, dann informéiert Iech. Sech informéieren kascht näischt an Dir wësst méi konkret wou Dir dru sidd.

Kontaktéiert mech iwwer Telefon oder Email.