Breathwork -
Otmen nei leiren
Transformational Breathwork Journeys
Nächst Terminer fir Gruppensessiounen
Programm 2025
Mäerz
Journey „Fräi si vun Angscht a Stress“
Méinden, 03. Mäerz, 18:30
Zu Jonglënster / Dauer: 1,5 Stonnen / Max 6 Persounen
Journey „Vergaangenes lassloossen“
Samsden, 22. Mäerz, 10:00
Zu Jonglënster / Dauer: 1,5 Stonnen / Max 6 Persounen
Journey „Erwäche vun der Uerkraaft an dir“ – Ladies Special
Méinden, 31. Mäerz, 18:30
Zu Jonglënster / Dauer: 1,5 Stonnen / Max 6 Persounen
Abrëll
Am Abrëll sinn keng Gruppesessions geplangt.
Dir kënnt awer an dem Mount 1:1 Sessions op Rendez-vous huelen.
Mee
Journey „Reset - Neistart fir Kierper a Geescht“
Samsden, 03. Mee, 10:00
Zu Jonglënster / Dauer: 1,5-2 Stonnen / Max 6 Persounen
Journey "Vergaangenes lassloossen"
Méinden, 12. Mee, 18:30
Zu Jonglënster / Dauer: 1,5-2 Stonnen / Max 6 Persounen
Umeldung fir “Breathwork Newsletter”
Wëll Dir als éischt informéiert gi wéini weider Gruppesessiounen geplangt sinn?
Da mellt Iech iwwer de Link hei drënner un.
Des Newsletter enthält Datumer fir déi nächst Gruppensessiounen, geplangte Workshops a Ureegungen zu verschiddenen Thema ronderëm’t Mënschsinn.
Des Newsletter kënnt an der Reegel just emol de Mount.
Viraussetzungen fir des Otemsëtzungen: Kierperlech a mental Gesondheet.
Infoen iwwer déi konkret Konterindikatiouen bei Interessen.
Infos zu den eenzelnen Journeys fann Dir weider ënnen op dëser Säit.
Gruppepräisser (max 6 Persounen)
Präis fir 1 Journey: 90€
Eenzelsëtzung
Wann Dir dës Erfarung léiwer aleng maacht, besteet d’Méiglechkeet fir eng 1:1 Sëtzung ze reservéieren. Eenzelsëtzung: Präis fir 1 Journey: 160€
Ären eegene Grupp zesummestellen
Dir wëllt mat enger Frëndin/engem Frënn, an der Koppel oder mat engem Grupp vu Leit eng Journey organiséieren, da mellt Iech wgl. per Email oder Telefon bei mir.
Déi verschidden Journeys
-
Fir am Liewe weider ze kommen, musse mir och mol Saache kënne lass loossen. Réischt da gi mir fräi, fir weider ze kommen am Liewen. An genau dorëms geet et an dëser Journey: Sief fräi a fann zu denger Stäerkt an dengem Potenzial.
- Du otems wärend ongeféier 45 Minutten
- Mir benotzen hei eng speziell Otemtechniken déi bewosst ropreguléierend op de Nervesystem wierkt fir kënne méi déif Erfarungen ze erliewen.
- No der Aktivéierung fënnt de Kierper zu déiwer Entspanung
- Du verbënns Kierper a Geescht mateneen
- Negativ Gefiller a Gedanken gi geléist
Viraussetzungen:
- Kierperlech a mental Gesondheet (Infoe iwwer konkret Konterindicatioune bei Interessen) -
Wann Dir des Journey maacht, dann hutt Dir bewosst entscheed, eppes am Liewe wëllen ze änneren. Dat ka verbonne sinn mat Bezéiungen, mat enger Aarbecht, oder soss mat Liewensëmstänn. Et kann awer och eng Aart a Weis sinn, wéi mir eist d’Liewen liewen, déi einfach net méi passt.
Hei ass d’Geleeënheet, op de Fong vun eis selwer ze goen, fir genau ze gesinn an ze fillen, wat am Liewen nach passt, a wat net méi passt.
- Dir otemt wärend ongeféier 45 Minutten
- Mir benotzen hei eng speziell Otemtechniken déi bewosst ropreguléierend op de Nervesystem wierkt fir kënne méi déif Erfarungen ze erliewen
- No der Aktivéierung fënnt de Kierper zu déiwer Entspanung
- Dir verbannt Kierper a Geescht mateneen
- Negativ Gefiller a Gedanke gi geléist
- Loosst Iech iwwerraschen, wat Äert déifsten ECH Iech seet
Viraussetzungen:
- Kierperlech a mental Gesondheet (Infoen iwwer konkret Konterindicatioune bei Interessen) -
„Béiss op d’Zänn“, „Dat hues du falsch gemaach“, „Als Strof méchs du lo…“.
Kenn Dir esou Aussoen? Dës Aussoen, ob se elo vun Elteren, Grousselteren, Léierpersonal oder anere Bezuchspersoune kommen, sinn oft déif an eis dran gespeichert. Et sinn Glawenssätz déi Angscht a Stress kënnen ausléisen. Dës Journey leet de Fokus drop, dës Glawensätz a Gefiller endlech opzeléisen.
- Du otems wärend ongeféier 45 Minutten
- Mir benotzen hei eng speziell Otemtechniken déi bewosst ropreguléierend op de Nervesystem wierkt fir kënne méi déif Erfarungen ze erliewen.
- No der Aktivéierung fënnt de Kierper zu déiwer Entspanung
- Du verbënns Kierper a Geescht mateneen
- Negativ Gefiller a Gedanke gi geléist
- Dat ass den éischte Schrëtt fir e Liewen a Fräiheet, Freed a voller Motivatioun ze liewen
- Stress- am Burnout Präventioun
Viraussetzungen:
- Kierperlech a mental Gesondheet (Infoe iwwer konkret Konterindicatioune bei Interessen) -
„Die Stille ist unendlich viel lauter als alles, was wir sagen können.“ – Meister Eckhart
Des Journey ass eng schnell an effektiv Manéier fir däi ganze Nervesystem an den Ausgläich an d’Rou ze bréngen. Du kanns erliewen, wéi däin Otem dir hëlleft, ewech vum Stress vum Alldag ze kommen an duerch déi déif Rou an d’Kraaft ze kommen.
Et ass Zäit déi's du fir dech hëls an se och als dat solls gesinn an notzen.
- Stress an de Grëff kréien
- Burnout Präventioun
- Du otems während ongéféier 45 Minutten
- Mir benotzen hei verschidden Otemtechniken déi ausbalancéierend a berouegend op de Nervesystem wierken.
- Déng Gedanke berouegen sech
- Du verbënns Kierper a Geescht madeneen
- Gefiller vu Stress oder Angscht ginn berouegt.
- Däi Kierper an däi Kapp erhuelen sech
Viraussetzungen:
- Kierperlech a mental Gesondheet (Infoe iwwer konkret Konterindicatioune bei Interessen) -
Des Journey ass speziell op Fraen ausgeriicht. Ze oft nach sinn d'Zweifel do op mir gutt sinn wéi mir sinn. Ze oft nach ass déi Angscht do, net gutt genuch ze sinn. Ze oft nach bremse mir eis selwer aus, well déi Stëmmen am Kapp sinn, déi eis arieden, mir dierfen net dat maachen, wat mir wierklech wëllen a kënne maachen.
Déi Programme sëtzen déif, an déi Stëmme sinn oft nach ze haart. An dëser Journey, léis du dat op wat dech blockéiert an du fënns raus, zu wat dass du fäeg bass.
- Du otems wärend ongeféier 45 Minutten
- Mir benotzen hei eng speziell Otemtechniken déi bewosst ropreguléierend op de Nervesystem wierkt fir kënne méi déif Erfarungen ze erliewen.
- No der Aktivéierung fënnt de Kierper zu déiwer Entspanung
- Du verbënns Kierper a Geescht mateneen
- Negativ Gefiller a Gedanke gi geléist
Viraussetzungen: Kierperlech a mental Gesondheet (Infoen iwwer konkret Konterindicatioune bei Interessen) -
Entdeck wéi Yoga, Breathwork a Meditatioun dech fir den Alldag stäerken
Samsdes, den 11. Mee 2024 / Am Schapp vum Mamerhaff
E Workshop mam Joyce Serres (Joy.Yoga) an Nicole Goetz (Coaching Nicole Goetz)
Wat dech erwaard:
* Welcome Tea
* Eng Hatha Yoga Sessioun
* Eng Breathwork Journey
* Eng geleeten Meditatioun
* Zäit fir Reflexioun an Integratioun
Zil vun dësem Workshop:
Et ass Zäit déng Resilienz weider ze stäerken.
Gestäerkt si geet net iwwer de Wee vum “muerksen” a forcéieren.
Gestäerkt si geet iwwer de Wee vu Rou a “Ganz bei sech sinn”.
Den Alldag ass heiansto verréckt.
Dowéint ass et esou wichteg, konkret Outilen ze hunn, déi dir hëllefen den Alldag mat Rou a Geloossenheet ze meeschteren.
Falls du weder Yoga nach Breathwork, nach Meditatioun versicht hues, ass dat hei eng wonnerbar Geleeënheet ranzeschnupperen.
Mä genausou profitéiers du vun dësem Moien, wann s du schonn e Pro bass an all dësen Disziplinnen.
Du gëss wärend dräi Stronnen begleet a geleet a kanns dech ganz fale loossen an dech zu 100% just op dech konzentréieren.
Informatiounen
Am Schapp vum Mamerhaff (wäisst Gebai hannert dem roude Mamerhaff) 20, rue Henri Kirpach, L-8237 Mamer
Dauer: 9:15 - 12:30 / Praïss: 130€
Umeldung: contact@coaching-nicolegoetz.lu
Et si keng Virkenntnesser néideg, jiddereen ass wëllkomm
Instagram: joy.yoga.lux. / coachingnicolegoetz
Weider Detailer kriss du bei der Umeldung.hr
Mam éischten Otemzoch fänkt eist Liewen un.
Breathwork, also Otemarbecht wéi ech et ubidden, ass an zwee grouss Voleeë gedeelt:
1. Otemtechniken an Otemtraining fir den Alldag &
2. Transformational Breathwork Journeys
1. Otemtechniken an Otemtraining fir den Alldag
Mir kommen mat engem Otemapparat op d'Welt den dofir ausgeluecht ass, eis an éischter Linn um Liewen ze halen. Mä et geet jo am Liewen net nëmmen drëms, ze iwwerliewen mä ze liewen, eist Liewen ze schätzen an ze genéissen. Am Alldag si mir eis eises Otems oft net bewosst, mä vill vun eis, hunn sech en ongesond Otemmuster ugewinnt, wat ka mat sech bréngen, datt mir midd, onzefridde a krank sinn. Dat heescht, en ongesond Otemmuster wierkt sech aus op eise Kierper, eis Gedanken an eis Gefiller.
Mä dat gutt dorunner ass - Dir kënnt nees léieren an e gesond Otemmuster ze fannen.
Dir léiert Ären Otem bewosst anzesetzen an e gesond Otemmuster ze entwéckelen.
Dir léiert Otemtechniken, déi Dir iwwer den Dag kënnt asetze fir zu bestëmmten Effekter ze féieren: méi roueg an e Meeting ragoen, méi Konzentratioun bei Projeeën, bessere Schlof, ... Et ginn esou vill Méiglechkeeten.
Ären Otem huet Dir ëmmer dobäi. Et kascht Iech guer näischt ausser et emol ze léieren an dann drunzebleiwen.
2. Transformational Breathwork Journeys
Dës Sessiounen vun 1,5-2 Stonnen ginn iwwer den gewinntenen Otmen raus. Dir otemt an enger spezieller Otemtechnik mam Zil, emotional a gedanklech Blockaden an Ärem Ënnerbewosstsinn ze léisen. Dir kritt Zougang zu Informatiounen déi gespeichert sinn an Ärem Kierper, an Ären Zellen, Saachen denen Dir Iech bewosst sitt oder och net. Al belaaschtend Geschichten, gespäichert traumatesch Erliefnisser, negativ Gedanken,… schaff Dir selwer op iwwer de Wee vum Otem.
Ären Otem féiert Iech duerch dee ganze Prozess. Dobäi gitt Dir de ganzen Zäit vu mir geleet a begleet.
Ech kann Iech wierklech empfeelen esou eng Sessioun matzemaachen. Dir kommt a Gefillszoustänn, déi Dir vläit nach nie erlieft hutt an déi immens schéin an erléisend sinn. Des Aarbecht hutt folgend Virdeeler:
Méi Zefriddenheet
Méi Rou
Méi Mutt am Liewen
Méi Selbstvertrauen
Besser Gesondheet
Méi Equiliber
Nohalteg…
Mat all Otemzoch beafloss Dir DIREKT Äre Nervesystem. Dir kënnt Ären Otem bewosst zu Ärem Virdeel notzen. E gesond Otemmuster a geziilten Asaz vun Otemtechniken droen dozou bäi, fir méi roueg a geloossen am Alldag ze sinn, méi gesond a fit ze sinn, méi ausdauernd… Et gi vill positiv Auswierkungen déi mëttlerweil wëssenschaftlech beluecht sinn.
/ Coaching a Breathwork kombinéiert fir méi Erfolleg
/ Am privaten a beruffleche Kontext
/ Praktesch Tipps fir den Alldag
/ Fir all Liewenssituatiounen an Liewensphasen
/ Eenzel- oder Gruppesëtzungen
/ Online an/oder a Presens
Fotos: ©Jeannine Unsen
Feedback vu Clienten zu den Breathwork Journeys
Merci deenen déi hier Erfarung deelen
“Et war eng nei Erfarung fir mech, obwuel ech vill meditéieren an och oft Pranayama maachen. Ech war total dran an hu mech sécher gespuert. Et war magesch. Merci Nicole, Du hues mech wonnerbar guidéiert an ëmmer wann ech mech bëssi komesch gespuert hunn, huet Deng sécher a kloer Aart a Weis fir mech ze lenken, mech erëm op d‘Spuer bruecht dran ze bleiwen an dem Prozess ze vertrauen. Immens. Si ganz vill dankbar.”
“Et waar fier mech eng komplett nei Erfahrung. Hun et mat Yoga probeiert… keng chance…. Duerch des Otemtechnik hun ech et faerdig bruecht een klengen ‘reboot’ ze maan, waar owes mitt ewer am positiven Senn… Probeiert et aus !”
“War eng ganz nei Erfahrung ganz interessant an ganz schéin!”
Journey “Neistart fir Kierper a Geescht”
“Et kann een den Emotionen freien laaf losen, an geet een super guidéiert vum Nicole.”
“Huiiiii wat war dann do lass…
et war einfach perfekt fir mech. Deng Stëmm, Deng Kloerheet, Deng Secherheet, Deng Passioun mat der’s Du geleet hues, hu mech op eng Platz a mir bruecht, déi mir gutt gefällt, eng Platz déi Verbonnenheet a Kraaft bréngt. Et war ganz déif an beréierend. Eng immens wertvoll Erfahrung, déi nach lang nohallt. Ech zehren nach lang drun; dat hält mech net dovun oof, mech op déi nächst Journey, mat Dir, unzemellen. Et ass vill Aarbescht, net ëmmer einfach mam innere Schweinehund eens ze ginn, a wann een et packt, ass et onbeschreiflech. Befreiend, deep, erstaunlech, magesch, beréierend, Kloerheet schaafend, vibréierend, schéin!
Merciiiiii ech wäert et alle Leit empfehlen.”
“J'ai participé à une Breathwork Journey en petit groupe. C'était une expérience transformative, puissante et libératrice. Déjà pendant le processus un sentiment de paix et de pure bonheur m'a envahi et ne me quitte plus depuis. Merci pour cet accompagnement professionel plein d'amour et d'empathie!” 💗
Di Breathwork Journey huet mir et erméiglecht séier a kraftvoll zu mengem banneschten Wiesen Zougang ze fannen. Méi direkt an och méi stark wéi bei enger gudder Meditatioun. Et ass en befreienden, intensiven a stäerkenden Prozess deens du Nicole di ganzen Zäit kloer, sëcher a voller Empathie geleed hues. Freed a Fridden hunn sech a mir installéiert a begeleeden mech och a mengem Alldag. Merci dofir.
Ech hun der Journey lass lossen mam Nicole gemeet. Et war wonnerschein sech einfach fallen ze lossen. Nicole hut dat super gemeet. Seng Stemm hut mech an menger Sproch ganz gutt matgeholl. Ech hun ganz vill lass geloss. Merci Nicole. Ech sin frou sou schein Kontakter hei zu Lëtzebuerg fond ze hun. Ech kommen erem. 💖
Journey: “Erwäche vun der Uerkraaft an dir”
Merci Nicole, fir deng schéin a kloer Begleedung duerch dëss Journey. Ech hu mech absolut secher gefillt a konnt mech ganz drop aloossen. Ech hat eng intensiv a positiv Erfahrung. Duerch d'Otemtechnik war ech ganz no bei mir a meng Gedanke si mat denger Leedung fräi gefloss. Gefiller vu Verbonnenheet, Dankbarkeet a neier Kraaft während der Journey, halen och Wochen dono weider un a stärke mech. Fir mech ee wieklech positive Prozess.
“Eng wonnerbar an intensiv Erfahrung mat enger super Leedung.”
“Eng emoleg an intensiv Erfahrung déi ech sou nech ni haat an déi och nach lang nowierkt.”
Ech hunn virunkuerzem un enger « Transformational Breathwork Journey » deelgeholl. Mam Nicole sengen ausféierlechen Kommentaren hun ech mech direkt sécher a confident gespuert an ear ganz gespaant. Ech war iwwerrascht dass ech mat deser einfacher déiwer Bauchotmung esou déif an en transeähnlechen Zoustand kommen, ech war vollkommen op mein Otem fokusséiert an hun mein Kierper kaum nach wouer geholl, wéi een Bagage deen een kuerzzäiteg nieft sech ofgestallt hätt. Dem Nicole seng Leedung duerch déi Journey huet mir erlaabt ganz stark Biller Visiounen an Gefiller eropzeruffen. Zum Schluss Anotmen vun där Dankbarkeet an Urkraaft hun ech mech immens gestärkt gespuert. Et war een intensiven Moment mat mir selwer, trotz dem bessi méi grousse Grupp, war et fir mech eng ganz intimistesch Erfarung déi elo wéi de Startingpoint ass fir weider un eppes ze schaffen wat ech emsetzen well a mengem Liewen.
Ech hunn un der Journey « Kraaft duerch ënnerlech Rou » deelgeholl an war ganz positiv iwwerrascht wéi schnell ech dës Techniken konnt an d´Wirkung vun deenen Techniken déi ech do kennengeléiert hunn. Ech géif deen Leit roden sech emol Zäit ze huelen an esou eng Erfaarung matzemaachen. Perséinlech hunn ech just positiv Erfaarungen aus dëser Journey gezunn an wenden d´Techniken oft un fir mech ze konzentréieren an mech ze berouegen. Top! Merci Nicole :)
Journey: “Kraaft duerch ënnerlech Rou”
Deng Stëmm an deng Wierder hudd mech gudd mat durch Breathwork technik geholl. Merci fir déi schéin Erfarung
Journey: “Kraaft duerch ënnerlech Rou “
– Séance Elteren mat Teenager
Deen deen eng Platz sicht wou ee léiere kann mam Alldagsstress besser eenz ze gin, resp. Techniken léiere wëll wéi een Stresssituatiounen besser kann bewältegen, deen ass bei der Madame Goetz absolut richteg !
“Breathwork ass eppes wou een sech selwer eppes Guddes deet. Bei der Mme Goetz ass een do gutt opgehuewen, si mécht dat mat Gefill a professionell.”
“Daat waat mech am meeschten iwwerrascht huet, war eben dass ech wirklech ofgeschalt hun. An daat war fir mech (virdrunn) onméiglech. Merci Nicole fir den ganz interessante Breathwork wou ech konnt matmachen.”
“Et war eng extrem intensiv Erfarung, déi ech esou net erwaart hätt an déi e positiivt Gefill hannerlooss huet.”
“Wenn man sich auf Breathwork einlässt, bekommt man eine nachhaltige Erfahrung, die auch noch danach zu spüren ist. Es hilft, loszulassen und Gefühle an die Oberfläche zu bringen, die man (bewusst oder unbewusst) unterdrückt hat. Ein sehr lösendes Gefühl!”
Eng nei Erfahrung, déi intensiv an emotional war. Ech mech hu mech zu absolut all Moment wuel a gudd encadréiert gefillt.
Journey: “Erwäche vun der Uerkraaft an dir”
Fir mech war et eng super Erfahrung fir grad des Journeys ze machen, ech hun rem den Wee/richteg Richtung zu mir selwer fond an no mir ze kucken. Villmols merci Nicole
Journey “La force par le calme intérieur”
Pratiquer une respiration correcte est tres important,tout comme manger,dormir et faire de l'excercice,cela presente de nombreux avantages pour la sante.lorsque vous l'apprendrez,vous en beneficiez toute votre vie.
Journey: “Kraaft duerch ënnerlech Rou”
Eng ganz agreabel Ambiance a Stëmmung :-)
Journey: “Kraaft duerch ënnerlech Rou “
– Séance Elteren mat Teenager
Ech hunn verschidder Otemtechniken schon kannt an sinn frou nach weider Techniken hun dirften kennenleieren. Et war foltt sech mol eng Auszeit ze gönnen begleet durcht Nicole dei daat super leet. Ech wënschen mir fir mech , daat ech mir öfters mol sou Pausen erlaaben.
“Ech hu mech sëcher gefillt, an war eng flott Erfahrung. Et war ganz entspannt Atmosphär. D'Musik an och deng Weeder, waren immens. Et meerkt een, dats du da mega vill Gedanken iwer alles gemeet huss. Ech hu mech mat Zaiten gefillt wéi wann ech Mental fort geweescht wir. Merci, war eng flott Erfahrung.”
Journey: “Vergaangenes lass loossen”
“Wann een nach nie breathwork gemach huet muss een sech fir d’eischt drop aloosen well et schon e beschen komesch ass am Ufank . Wann een et dann awer färdeg brengt sech faalen ze loosen, deet et engem richteg gutt an et kann een nei Usiichten op seng Gefillswelt mat an den Alldag huelen.”
“Et war eng onerward intensiv Erfarung fir mech. Duech déi roueg an bestemmt Art vum Coach duech d'Journey ze féieren, konnt ech met komplet drop anloossen.”